Crossing another Year of thankfullness!

20 May 1972 ~ 20 May 2025

ഒരു വർഷം കൂടി കടന്നു പോകുന്നു. ഔദ്യോഗിക രേഖകളിൽ പ്രായം എന്ന ചതുരത്തിൽ ഒരക്കം കൂടി.

സംഭവബഹുലമല്ലെങ്കിലും അല്ലലുകൾക്കിടയിലും ചില ചെറിയ സന്തോഷങ്ങൾ നൽകിയ വർഷം.

സ്വപ്നങ്ങൾക്ക് ചിറകുകൾ മുളയ്ക്കുന്ന ദുഫായ്, മണൽ പരപ്പുകളിൽ സ്വർഗ്ഗ സമാനമായ രമ്യ ഹർമ്യങ്ങളും പച്ച പരവതാനികളും നിറയ്ക്കുമ്പോൾ അവയുടെയോക്കു അയല്വക്കങ്ങളിൽ എങ്കിലും പോയി എത്തി നോക്കണ്ടെ?

"കേട്ടുര റിസേർവ്" പുതിയ സ്ഥലത്തേക്ക് മാറ്റുന്നതിനു മുൻപ് അവരുടെ പഴയ ആപ്പീസുകളും പ്രചാരണ സാമഗ്രികളും സൂക്ഷിച്ചിരുന്ന സ്ഥലത്തേക്ക് ഒരു ദിവസം. വാഹനങ്ങളിലെ രാജാവായ "റോൾസ് റോയ്‌സ്" - നൊപ്പം ഒരു പടം. ഇനി എന്നെങ്കിലും ഇത് കയ്യിൽ വന്നാലോ? [സ്വപ്നം കാണുന്നതിന് ചെലവൊന്നുമില്ലല്ലോ ]

അക്രിലിക് പെയിന്റ് ഉപയോഗിച്ച് ടീ ഷർട്ടിൽ കടുവയുടെ രേഖാചിത്രം. ആദിതിനു വേണ്ടി.

പത്തു പതിനഞ്ചു വർഷത്തോളം താമസിച്ചിരുന്ന സ്ഥലത്തു നിന്നും ഒരു മാറ്റം. ആറു മാസത്തോളം നടത്തിയ അന്വേഷണങ്ങളും വിവിധ ക്രമമാറ്റങ്ങളും സംയോജനങ്ങളും താരതമ്യം ചെയ്ത ശേഷം എടുത്ത ഒരു തീരുമാനം. പണ്ട് വെറും മൂന്നു വർഷം ജോലി ചെയ്തു കടങ്ങൾ തീർത്തു ചെറിയൊരു സമ്പാദ്യം ഉണ്ടാക്കി മടങ്ങണം എന്ന് കരുതി പ്രവാസത്തിലേക്കു കാൽ വയ്ച്ചതാണ്. ചെലവുകൾക്കൊരു കുറവുമില്ല, തിരക്കുകൾ കൂട്ടുകയും ചെയ്തിരിക്കുന്നു.

വെറുമൊരു സൂട്ട് കെയ്‌സുമായി വന്നതാണ്. പലപ്പോഴായി വാങ്ങിക്കൂട്ടിയ പലതും കളഞ്ഞിട്ടു പോലും മൂന്ന് ടൺ ലോറിയിൽ പട്ടാണികൾ ഇടിച്ചു നിറച്ചാണ് സാധനങ്ങൾ കയറ്റിയത്. കയറ്റിറക്കു പയ്യന്മാർ സാധനങ്ങൾ നശിപ്പിക്കാതെ ഇരിക്കാൻ അവർക്കു വയറു നിറയെ ബിരിയാണിയും മേടിച്ചു കൊടുത്തു.

നമ്മൾ ഏതു കുടുംബത്തിൽ നിന്നും വന്നു എന്നതിനേക്കാൾ പ്രാധാന്യം നമ്മൾ നിർമ്മിക്കുന്ന കുടുംബത്തിനാണ് എന്നൊരു ലോക സത്യം തിരിച്ചറിയുന്നത് ഇങ്ങനത്തെ സാഹചര്യങ്ങളിലാണ്.

മറ്റാരും കൂടെയില്ലാത്ത ഒരു പാല് കാച്ചൽ. കുടുംബാംഗങ്ങളുടെ മുഖത്തെ സന്തോഷം കാണുന്നതൊരു ആനന്ദം.

പ്രിയ പുത്രൻ അരവിന്ദ് പഠിച്ച ഒരു സർട്ടിഫിക്കറ്റു സ്വീകരിക്കുന്നതിന്റെ സന്തോഷം.

അപ്രതീക്ഷിതമായ ഒരു മല കയറ്റം. "മായപ്പൊത്ത്" എന്നൊരു റിസോർട്, അതിനെ ചുറ്റിപ്പറ്റി ഭംഗിയായി നിൽക്കുന്ന പ്രകൃതി രമണി. മൊബൈൽ ശല്യങ്ങളില്ലാതെ ഒരു മുഴുവൻ ദിവസം.

ഫോണിൽ കൂടി അലറാതെ ഒരു ദിവസം ചെലവഴിക്കാൻ അവസരം നൽകിയ അൻപുള്ള സഹോദരർകൾക്കും അവരുടെ കുടുംബങ്ങൾക്കും ഒത്തിരി നന്ദിയും സ്നേഹവും.

ഒരു മലയാളിയുടെ സ്വഭാവം. കൽപ്പാടുകൾ (കല്ല് കൊണ്ട് വരഞ്ഞത് ) അവശേഷിപ്പിക്കുന്നു.

മായപ്പൊത്തിലെ നീന്തൽ കുളം. ഇത് ചെറുത്.

വലിയൊരു കുളം നിറയെ മീനുകളുമൊക്കെയായി വേറെ ഉണ്ട്.

ഇടുക്കി അണക്കെട്ട്. വിദ്യാലയത്തിൽ നിന്നുള്ള വിനോദ യാത്രകളിൽ പങ്കെടുക്കാൻ സാധിച്ചിട്ടില്ലാത്തതു കൊണ്ട് ഇത് വരെ കാണാൻ കഴിഞ്ഞിട്ടില്ലായിരുന്നു.

മായപ്പൊത്തിലേക്കുള്ള യാത്രയിൽ കണ്ട കാഴ്ചകൾ. കുളമാവ് ജല സംഭരണി - ഒരു ദൂരക്കാഴ്ച

സേവന വാരത്തോട് അനുബന്ധിച്ചു കേന്ദ്ര സർക്കാരിന്റെ നടപടികളിൽ പങ്കു ചേരുന്നതിനു കിട്ടിയ സർട്ടിഫികറ്റ്.

ജോലി ചെയ്യുന്ന സ്ഥാപനത്തിന് കിട്ടിയ അനുമോദനങ്ങൾ സ്ഥാപനത്തിന്റെ ഉടമയോടൊപ്പം വാങ്ങിക്കുവാൻ നിൽക്കേണ്ടി വന്ന സന്ദർഭം.

ജോലി ചെയ്യുന്ന സ്ഥാപനത്തിന്റെ പുതിയൊരു ആപ്പീസ്. സഹപ്രവർത്തകരുടെയും സ്ഥാപന ഉടമയുടെയും ഒന്നൊന്നര വർഷത്തെ പ്രയത്നത്തിന്റെയും സമയത്തിന്റെയും പണത്തിന്റെയും നിക്ഷേപം.

അൻപ് സഹോദരർകൾക്കൊപ്പം ഒരു വിഷു ആഘോഷം.

നാട്ടിൽ പഠിച്ചിരുന്ന സ്‌കൂളിലെ സഹപാഠി ( ചോറ്റാനിക്കര 1987GHSSSC പൂർവ വിദ്യാർത്ഥി കൂട്ടായ്മ) ജോളി ദുഫായ് സന്ദർശിച്ചപ്പോൾ. അവരുടെ യാത്രാ സംഘം താമസിച്ചിരുന്ന സ്ഥലത്തു പോയി കണ്ടപ്പോൾ.

ദിവസേനയുള്ള നടപ്പു (പുലർ കാല വ്യായാമം) തുടരുന്നു. ഒരു വർഷം മുന്നേ വാങ്ങിയ ചെരുപ്പ് (വോക്കിങ് ഷൂ) തേഞ്ഞു തീരാറായപ്പോൾ.

സ്വന്തമായിട്ട് എന്തെങ്കിലും ചെയ്യുമ്പോൾ ആരും പ്രോത്സാഹിപ്പിക്കാനില്ലെങ്കിൽ സ്വന്തമായിട്ട് തന്നെ കയ്യടിച്ചു പ്രോത്സാഹിപ്പിക്കണം എന്നത് വളരെ പ്രധാനം ആണ്.

അത് പോലെ തന്നെ ദൗത്യത്തിൽ സ്വയം പ്രചോദിതരായി തുടരാനും ചില സമ്മാനങ്ങൾ നല്ലതാണ്.

അങ്ങനെ നോം നമുക്ക് തന്നെ സമ്മാനിച്ച പുതിയൊരു ജോടി ചെരുപ്പുകൾ !

പുതിയ താമസ സ്ഥലത്തെ റമദാൻ കാഴ്ചകൾ. റമദാൻ നോമ്പ് തുറക്കുന്നതിനു മുൻപുള്ള പീരങ്കി മുഴങ്ങുന്നത് വാസൽ വില്ലേജിൽ നിന്നും.

വാസൽ കമ്യൂണിറ്റിയിലെ ഓർമ്മിക്കാൻ ഒരു സുഹുർ പരിപാടികൾ.

മാൻഡലിൻ എന്ന വാദ്യോപകരണം ഉപയോഗിച്ച് ഒരു എമിറാത്തി സ്വദേശിയുടെ പ്രകടനം

WETEX പ്രദർശനം. വൈദ്യുത വാഹനങ്ങൾ. ലോകത്തു നിന്നുള്ള ഭൂരിഭാഗം നിർമ്മാതാക്കളും പങ്കാളികൾ ആയ ഒരു സംഭവം.

ഷെയ്ഖ സായിദ് ഫെസ്റ്റിവൽ അബുദാബി (2024~2025)

സമ്മാനങ്ങൾ ഇപ്പോഴും മധുരം, സന്തോഷം. പുതുവത്സരാശംസകൾ പുഷ്പങ്ങളും ഒക്കെയായി. ഒത്തിരി നന്ദി !

ദൈവം സമ്പത്ത് നൽകുകയും ദരിദ്രരെ സഹായിക്കുകയും ചെയ്യുന്നു.

ആവശ്യമുള്ളപ്പോൾ മറ്റുള്ളവരെ സഹായിക്കാൻ ദൈവം നിങ്ങളിലൂടെ പ്രവർത്തിക്കുന്നു. നമ്മിലൂടെ മറ്റുള്ളവരിലേക്ക് ഒഴുകാനും നമ്മെ അവന്റെ സ്നേഹത്തിന്റെ ഉപകരണങ്ങളായി ഉപയോഗിക്കാനും, അവർക്ക് അവന്റെ കൈകളും കാലുകളും ആകാനും ദൈവം ആഗ്രഹിക്കുന്നു.

ഒരു ചാരിറ്റബിൾ ട്രസ്റ്റിന്റെ പ്രവര്ത്തകര്ക്ക് എന്റെ എളിയ സംഭാവന നൽകുന്നു.

ദുബായിൽ സിഗ്ന ഇൻഷുറൻസ് സംഘടിപ്പിച്ച റൺ ഫോർ ഹെൽത്തിൽ പങ്കെടുക്കുന്നു. കുട്ടികൾ (ആദിത്തും അരവിന്ദും) ക്കൊപ്പം അമ്പിളിയും സജീവമായി പങ്കെടു ത്തതിൽ അതിയായ സന്തോഷം.