Sunday, November 2, 2014

ഉൾഭിത്തികൾ ഇല്ലാത്ത വീട്.

തങ്ങൾക്കു ഉണ്ടായിരുന്ന എല്ലാം ത്യജിച്ചു
സ്വന്തമായ ആശയങ്ങൾക്ക് പ്രാധാന്യം നല്കി
വഴിയിൽ കണ്ടു മുട്ടിയ സമാന ചിന്താഗതിക്കാർ
സംസാരത്തിലൂടെ എത്തിയ സൂത്ര വാക്യം
ഉൾഭിത്തികൾ ഇല്ലാത്ത വീട്.
സുന്ദരമായ ഒരു ആശയം.
തുടക്കത്തിൽ എല്ലാം നല്ല രീതിയിൽ പോയേക്കാം.
പിന്നീട് വീട്ടിലെ അംഗങ്ങൾ തമ്മിൽ അസ്വാരസ്യം തുടങ്ങും.
തമ്മിൽ നിസംഗതയുടെയും നിശബ്ദതയുടെയും ഭിത്തികൾ രൂപപ്പെടുന്നു.
വീട്ടിലെ ജീവിതം ഒരു നല്ല അഭിനയം ആയി മാറുന്നു.
പുറമേ നിന്ന് നോക്കുന്നവർക്ക് സൌന്ദര്യത്തിന്റെയും സൌഹൃദത്തിന്റെയും മകുടമായ ഒരു സ്വർഗം!
അകമേ വെറുപ്പിന്റെയും വേദനകളുടെയും നരകം.
നീരസങ്ങളുടെ കനം കൂടിയ ഭിത്തികളിൽ
പരാതികളുടെ ചായം തെയ്കാൻ വെമ്പൽ കൊള്ളുന്ന സമൂഹം.
അസൂയാലുക്കൾ പല വിധം ആക്രമിക്കുന്നു.
പിടിച്ചു നില്ക്കാൻ ആവാതെ
പ്രതികരിക്കാൻ ശേഷിയില്ലാതെ
സമൂഹത്തിന്റെ ശുഷ്കിച്ച സദാചാര വാദത്തിനു മുന്നിൽ
അടിയറവു പറയുമോ ?