നിഴൽ

അറിയുന്നതും അല്ലാത്തതുമായ 

എല്ലാ സന്തോഷ സന്താപ അവസരങ്ങളിലും 

കൂടെ തന്നെ നിൽക്കുന്ന കൂട്ടുകാരൻ.

ഒരിക്കലും വിട്ടു പോവില്ല എന്നുറപ്പുള്ള 

പിരിയാത്ത ഒരേ ഒരു സുഹൃത്ത് - നിഴൽ

After EOL = End Of Line ~ Life ? | മരണത്തിനു ശേഷം എന്ത് ?

 After EOL = End Of Line ~ Life ? | മരണത്തിനു ശേഷം എന്ത് ?

ഫേസ്ബുക്കിൽ വായിച്ച ഒരു എഴുത്ത് - "മരണത്തിനു ശേഷം എന്ത് പറ്റുന്നു ? എവിടേക്കു പോകുന്നു" 

വസ്തുതാപരമായി ചിന്തിക്കുമ്പോൾ ഇത് മരിച്ചയാളെ ഒരിക്കലും ബാധിക്കുന്ന കാര്യമല്ല.  പരേതനെ ആശ്രയിക്കുന്ന ആൾക്കാരെ ബാധിക്കുന്ന കാര്യമല്ലേ ?

ഒന്ന് കൂടി ഇരുത്തി ആലോചിച്ചാൽ,

മരണം എന്നത് എന്താണ് ?

ദേഹി ദേഹത്തെ വിട്ടു പോകുന്നു എന്ന് താത്വികമായി പറയാം.

പക്ഷെ അതിനേക്കാൾ ഭയാനകമായ ഒരു അവസ്ഥ "മറവി" അല്ലെ?

ഉറക്കം ഉണർന്നു എഴുന്നേൽക്കുമ്പോൾ കഴിഞ്ഞ കാര്യങ്ങൾ ഒന്നും തന്നെ ഓർക്കാൻ സാധിക്കുന്നില്ല എങ്കിലോ?

"ഗജിനി" സിനിമ പോലെ താത്കാലിക മറവി, അല്ലെങ്കിൽ അതിനേക്കാൾ ഭീകരമായാൽ ?

കൈകാലുകളുടെ ചലനത്തിനും നടക്കുന്നതിനും ആരോഗ്യം ഉണ്ടെങ്കിലും എതിരെ വരുന്ന ആളെ കാഴ്ചയുണ്ടെങ്കിലും തിരിച്ചറിയാൻ സാധിച്ചില്ലെങ്കിൽ വളരെ ബുദ്ധിമുട്ടും.

ഉറങ്ങുന്നതിനു മുൻപുള്ള കാര്യങ്ങളെല്ലാം ഓർത്തെടുക്കാൻ സാധിക്കുന്നത് തന്നെ നല്ല ആരോഗ്യ ലക്ഷണം ആയി കാണേണ്ടി വരും.

ജീവിതാന്ത്യവും ജീവനാന്ത്യവും തമ്മിലുള്ള വ്യത്യാസം നോക്കണേ !

അനു

അനു സിനു.

ഈ വ്യക്തിയെ നേരിട്ട് പരിചയമില്ലെങ്കിലും കഴിഞ്ഞ കുറേ മണിക്കൂറുകളായി ഫേസ്ബുക്കിലെ സ്ട്രീമിൽ നിറയെ വരുന്ന അപ്ഡേറ്റുകൾ. ഇദ്ദേഹത്തിന്റെ 

സൗഹൃദത്തിന് ഇത്രയും ശക്തിയോ.

രോഗാവസ്ഥയോട് ഇതിലും നന്നായി പ്രതികരിക്കാൻ ആർക്കെങ്കിലും കഴിയുമെന്നു തോന്നുന്നില്ല. 

😪💔

ആദരാഞ്ജലികൾ!

അബുഷാഗരയിലെ പൂച്ചകൾ

അബുഷാഗരയിലെ പൂച്ചകൾ 

രാവിലെ നടക്കാനിറങ്ങുമ്പോൾ ഓരോ മൂലയിൽ നിന്നും പല ശൈലിയിലും പല രീതിയിലുള്ള പൂച്ചകൾ ചാടി വീഴാറുണ്ട് ചില വാഹനങ്ങളുടെ മുകളിൽ കിടന്നുറങ്ങി തമ്മിൽ കടിപിടി കൂടി നടക്കാൻ വരുന്ന ആൾക്കാരെ കാണുമ്പോൾ അവരുടെ നോട്ടം കണ്ടു പലരും പേടിച്ച് മാറി നടക്കാറുണ്ട്.

രാവിലെ കാർ സ്റ്റാർട്ട് ചെയ്യുവാൻ ശ്രമിക്കുന്നതിനു മുൻപ് ചുറ്റും നടന്നു നോക്കണം എന്ന് വലിയ കമ്പനികൾ അടക്കം പരിശീലനം കൊടുക്കുന്നതിന്റെ കാരണം ഈ പൂച്ചയെ കാണുമ്പോൾ മനസിലാവും.  നമ്മൾ കാറിന്റെ ഡോർ തുറക്കുമ്പോളാവും അതിന്റെ അടിയിൽ നിന്നോ (ചിലപ്പോൾ ടയറുകളുടെ ഇടയിൽ നിന്നും, ചിലപ്പോൾ ബൊണറ്റിൽ നിന്നും) വാലും  ഉയർത്തി രോമങ്ങളെല്ലാം വിശറി പോലെ ആട്ടി ഒരു ചാട്ടം!

അബു ഷഗാര പാർക്കിലെ കമ്മ്യൂണിറ്റി ജിം ആരൊക്കെ ഉപയോഗിക്കുന്നു എന്ന് നോക്കി ശ്രദ്ധിക്കുന്ന പുലിക്കുട്ടൻ പൂച്ച.  മറ്റുള്ളവരെക്കാൾ ഇത്തിരി വലിപ്പം കൂടുതലുള്ളത് കൊണ്ട് ഒരു ജിം ട്രെയിനർ റോളിലാണ് ഇവൻ.

പള്ളിയിലെ പരാർത്ഥന സമയത്തു പള്ളിയുടെ ഇറയത്തു പ്രാർത്ഥന നടത്തുന്നത് പോലെ ഉറങ്ങുന്ന "മടിയൻ സ്വർണ പൂച്ച".  ആൾകാർ ഓടിച്ചു വിടുന്നതിനു മുൻപേ തന്നെ സ്വയം മാറി പോകുന്നത് ഇവന്റെ ശീലമാണ്.

പള്ളിയുടെ അരികിലെ കഫെറ്റീരിയാ യുടെ ചുമതലയുള്ള വാല് മുറിഞ്ഞ "മുറി ചെവിയൻ"  പൂച്ച.  സ്വന്തം കയ്യിലിരുപ്പ് കൊണ്ടാവണം വാലും ചെവിയും മുറിഞ്ഞത്.  കാറ്റേ തുറക്കാൻ ആള് വരുന്നത് വരെ സ്ഥാപനത്തിന്റെ സുരക്ഷാപ്രവർത്തനനം സ്വന്തമായി ചെയ്യുന്ന ഒരു നിസ്വാർത്ഥ സേവകൻ.  കടക്കാരനും അവിടത്തെ കസ്റ്റമർ എല്ലാവരും തന്നെ ഈ കഥാ പാത്രത്തെ ശരിക്കും അറിയുന്നവരാണ്.

പള്ളിയിൽ പ്രാർത്ഥനയ്ക്ക് വരുന്നവര്ക്ക് കാറുകളിൽ മാത്രക ഉറക്കം സ്ഥിരമാക്കിയ "ഭീകരൻ ജമ്പു പൂച്ച".  പ്രാർത്ഥന കഴിഞ്ഞു വരുന്ന ആൾക്കാർ ഇവനെ ഓടിച്ചു വിടാൻ നടത്തുന്ന  തത്രപ്പാട്  കുറച്ചൊന്നുമല്ല.

കറുപ്പും വെളുപ്പും ഇടഞ്ഞ നിറമുള്ള പൂ പോലെ വാലുള്ള "പൂവാലൻ" പൂച്ചയും ചാരത്തിൽ ചാടിയ പുള്ളി പുലിയുടെ നിറമുള്ള വാല് മുറിഞ്ഞ "മുറിവാലൻ" പൂച്ചയും  എന്തോ കാര്യമായ ചർച്ചകൾ നടക്കുന്നുണ്ട്.  അരികെ പോകുന്ന ഒരാളെയും അവർ ശ്രദ്ധിക്കുന്നു പോലുമില്ല.

എസ് . യൂ . വി ഉണ്ടായിട്ടും വീട്ടിനടുത്തു പാർക്കിംഗ് ലഭിക്കാത്ത പലരും ഉണ്ട്.  അങ്ങനെ പാർക് ചെയ്യുന്ന വണ്ടികളിൽ മാത്രം ഉറക്കം ശീലമാക്കിയ "വില്ലൻ"പൂച്ച.  "പോടാ പുല്ലേ"  എന്ന രീതിയിൽ നോക്കി വാല് കൊണ്ട് രണ്ട് വീശൽ ആണ് ഇവന്റെ പ്രത്യകത.

കാറിൽ സൺറൂഫ് ഉണ്ടായിട്ടു കാര്യമില്ല, രാവിലത്തെ തണുപ്പ് മാറണമെങ്കിൽ ഉദയസൂര്യന്റെ കിരണങ്ങൾ ഏൽക്കണം എന്ന് കാണിച്ചു തരുന്ന "ബുദ്ധിമാൻ" പൂച്ച.  അവന്റെ കിടപ്പു തന്നെ കാറിന്റെ മുകളിൽ ആണ്.

നമ്മളിപ്പഴും 1987-ൽ തന്നെയല്ലേ

നമ്മളിപ്പഴും 1987-ൽ തന്നെയല്ലേ?

പിള്ളേരുടൊപ്പം വളരാൻ നോക്കി, അവരങ്ങ് വലുതായി. 

നമ്മൾ ഒരു തലമുറ പിന്നിലും !

നര

✨️തല നരയ്ക്കുന്നതിലല്ല എന്റെ വൃദ്ധത്വം,

തല നരയ്ക്കാത്തതല്ല എന്റെ യുവത്വം 

പുതിയ ദുഷ്പ്രഭുത്വത്തിന്റെ മുന്നിൽ 

തല കുനിയ്ക്കാത്ത, 

പ്രായം തളർത്താത്ത 

മനസും ശരീരവും ആണ് 

എന്റെ യൗവ്വനം. [VS -ന്റെ വാക്കുകൾ]

മുടിയില്ലാത്തവർക്ക് നര ഒരു പ്രശ്നമാണോ? 🧞‍♂️💀👽

life learn - ബന്ധ-നം-

സന്തോഷം നമ്മളിൽ തന്നെ.  

ബന്ധങ്ങളിൽ ഇഷ്ടങ്ങളും വാൽസല്യ പ്രകടനങ്ങളും വെറും ആപേക്ഷികമാണ്.  ആവശ്യങ്ങൾ മാറിക്കൊണ്ടിരിക്കുന്ന സാഹചര്യങ്ങളിൽ സ്വയം ബാധ്യതയാവാതിരിക്കാൻ സാധിച്ചാൽ ഒരു പരിധി വരെ വിഷമങ്ങളില്ലാതെ കഴിച്ചുകൂട്ടാം.   മനഃസ്സമാധാനം ലഭിക്കാൻ വിട്ടുവീഴ്ചകളുടെ ചങ്ങല കൂടിയേ തീരൂ.  ഇഷ്ടാനിഷ്ടങ്ങൾ അഹന്തയ്ക്ക് വഴി മാറുമ്പോൾ സംവേദനങ്ങൾക്ക് വ്യത്യസ്ത ഭാഷ ഉണ്ടാവുന്നു.  മറ്റുള്ളവരുടെ ജീവിതത്തിൽ നമ്മളെ ആവശ്യമുണ്ട് എങ്കിൽ മാത്രം അവർ നമ്മളെ ഓർമ്മിക്കും.  എന്തെങ്കിലും ചോദ്യം ചോദിച്ചാൽ സ്വാഭാവികമായ മുതലെടുപ്പ് പ്രതീക്ഷിച്ചു കൊള്ളണം. അടുത്ത നിമിഷം മുതൽ അനഭിമതനും ആയി മാറും.

2024 Election Bubbles!

 Election Bubbles!

മഹത്വവൽക്കരിച്ച  അഴിമതിയുടെ സമുദ്രത്തിൽ നീരാട്ട് നടത്തുന്ന രാജാവിന് 

സ്തുതികൾ പാടുന്ന അണികൾ കൂടെയുള്ളപ്പോൾ 

തിരഞ്ഞെടുപ്പിലെ പ്രചാരണങ്ങൾക്കിടയിൽ നൽകുന്ന വാഗ്‌ദാനങ്ങൾ 

സോപ്പ്   കുമിളകൾ പോലെയുള്ള വെറും പ്രലോഭനങ്ങൾ മാത്രമാകുമെന്നു 

തിരിച്ചറിയാൻ സാധിക്കുന്നവർ ഉണ്ടോ ?

  

2024 Birthdate Greeting!

 

ഒന്നാം ക്ലാസ്സിലെ അധ്യാപകൻ 

നൽകിയ ജനനത്തീയതി ആശംസകൾ 

ഗ്രൂപ്പിലും നേരിട്ടും മെസഞ്ജറിലും 

ഫേസ് ബുക്കിലൂടെയും അറിയിച്ച 

എല്ലാ സുഹൃത്തുക്കൾക്കും 

ഹൃദയം നിറഞ്ഞ നന്ദി 💓 

സസ്നേഹം- പ്രതി ~aka~Pradeep

Birthday !

 ഇന്ന് ജന്മദിനം ആഘോഷിക്കുന്ന 

Facebook-ലെ 65 സുഹൃത്തുക്കൾക്കും ജന്മദിനാശംസകൾ നേരുന്നു

ഗംഭീരമായ ഒരു ജന്മദിനം ആശംസിക്കുന്നു

മാതൃദിനാശംസകൾ 💓

മാലാഖമാർ ദൈവത്തോട് ചോദിച്ചു; അങ്ങേയ്ക്ക് എല്ലായിടത്തും ഉണ്ടായിരിക്കാനും എല്ലാവരേയും പരിപാലിക്കാനും എങ്ങനെ കഴിയും?

 അപ്പോൾ ദൈവം പുഞ്ചിരിച്ചുകൊണ്ട് അമ്മമാരെ സൃഷ്ടിച്ചു!

 മാതൃദിനാശംസകൾ 💓

Sanju ~

 ഞങ്ങളുടെ കോളേജ് ജീവിതത്തിൻ്റെ രണ്ടാം വർഷം മുതൽ സഹപാഠി.

ഏതൊരു നീതിയുക്തമായ കാരണങ്ങൾക്കും ശക്തമായി നിലകൊണ്ട ഒരു വ്യക്തി.

യാതൊരു അഹങ്കാരവുമില്ലാതെ സുഹൃത്തുക്കളുടെ ശൃംഖലയിൽ തടസ്സങ്ങളില്ലാതെ ഒത്തുചേരുന്നു.

സഖാക്കളോടും സഹപ്രവർത്തകരോടും എപ്പോഴും വിശ്വസ്തത പുലർത്തുന്നു.

ഉത്തരവാദിത്തങ്ങൾ ഏറ്റെടുക്കാനും സമയപരിധി പാലിക്കാനും മതിയായ ആവേശം.

ഞങ്ങളുടെ കോളേജ് സുഹൃത്ത്,

സഖാവ്,

മുൻ തൊഴിലുടമകളിലെ സഹപ്രവർത്തകൻ,

പ്രവർത്തനങ്ങളിൽ പങ്കാളി,

ഒരു യഥാർത്ഥ സഹോദരനെ പോലെ,

ഒരു യഥാർത്ഥ ബഡ്ഡി ജോഡി;

സുഹൃത്തേ, സമാധാനത്തിൽ വിശ്രമിക്കാൻ നിങ്ങൾ വളരെ നേരത്തെ പോയി.

സഞ്ജു, നിന്നെ എന്നും മിസ് ചെയ്യും.

Sanju ~ walked away

 

Classmate since the second year of our college life.

One individual who stood strong for any righteous causes.

Seamlessly blending among network of friends without any ego.

always loyal to comrades and an coworkers.

Passionate enough to shoulder responsibilities and meeting deadlines.

our college mate, 

comrade, 

colleague in previous employers, 

partner in actions, 

like a true brother,

a real buddy pair; 

gone too long.

whenever I visited home, you were away at work, but always told over the phone that we shall meet soon.

while you visited my place, we spoke over phone but could not meet due to clash in your schedules; you told we shall meet soon.

later when I needed help, you dropped all your works and reached at the spot! 

still you didn't wait to meet.

"sorry" or "thank you" were never between us!

buddy, you left too early to Rest In Peace.

Sanju, you will always be missed.

BUNKART - Albaina

 

Comment posted in Vineeth's FB post.

https://www.facebook.com/oruyathrikan/posts/pfbid032J3U2Msu8J6kzUpbAFMt4L5M3ok6X9xnmj4mfTHq84K4rbGVQFXzy4vq8jZJdp9Vl

സ്വേച്ഛാധിപതികൾ എപ്പോഴും വീഴുന്നു. 

അത് ചരിത്രമാണ്. 

അവരുടെ കാഴ്ചകൾക്ക് കീഴിലുള്ള എല്ലാം നിയന്ത്രിക്കുന്നതിൽ അവർ വ്യഗ്രത കാണിക്കുകയും കൂടുതൽ കൂടുതൽ ക്രൂരമായ രീതികൾ ഉപയോഗിക്കുകയും ചെയ്യുന്നു. 

അധികാരം നഷ്ടപ്പെടുമോ എന്ന ഭയം ഇവരെ അന്ധരാക്കും. 

❤️നന്ദി വിനീത്, വായനക്കാരൻ നേരിൽ കാണുന്നതു പോലെയുള്ള ഈ വിവരണത്തിന്.

ശുഭാപ്തി വിശ്വാസം - being positive in uncertain conditions!

 പ്രജകളുടെ സമ്മതിദാന പ്രക്രിയയുടെ ഫലം എന്താകുമെന്ന് കാത്തിരിക്കുന്ന പ്രജാപതി. 

ശുഭാപ്തി വിശ്വാസം ?

അനിശ്ചിതാവസ്ഥയിൽ ശുഭപ്രതീക്ഷയോടെ ഇരിക്കുക 

Kids ~ Children / Childhood

❤️നമ്മൾ അവരെ വളർത്തുന്നു എന്നു പറയുന്നതിനേക്കാൾ ശരി "അവരോടൊപ്പം നമ്മളും വളരാൻ ശ്രമിക്കുന്നു" എന്നതല്ലേ? ✨️

ESP = അതി മാനുഷിക സിദ്ധി

 ഭൂലോക  ഗോളവും  ഒരുളുന്നു (തിരിയുന്നു)-

വെന്നു തിരിച്ചറിയുകയും 

അതിനൊപ്പം ഉരുളൻ ശീലിച്ചു -

വെന്നാൽ ചലനങ്ങളെല്ലാം 

നേർക്കാഴ്ചയാവും വിധം 

കരണ - കാരണങ്ങളിൽ നിന്ന് 

ഉയർന്നു നിൽക്കുകയും ചെയ്യുമ്പോൾ 

കാലത്തിനെയും  ദിശയെയും 

സംബന്ധിച്ച വിശദമായ 

ഗ്രാഹ്യം* ലഭിച്ചേക്കാം.

ഭാവി കാണുന്നതിനുള്ള ഒരു സാധ്യത !

~ അഥവാ ~ അതി മാനുഷിക സിദ്ധി 

[* = അതീന്ദ്രിയ ജ്ഞാനം]

Read - Reading

 

കുഞ്ഞുണ്ണി മാഷ് പറയുന്ന പോലെ;

വായിച്ചാൽ വിളയും, വായിച്ചില്ലെങ്കിൽ വളയും. എങ്ങനെയായാലും വികൃതികൾ കുറയരുത്. 🧞🧞‍♂️🧜🏃🏃🏃

Daily Sketches | ദിനവരകൾ

Daily Sketches | ദിനവരകൾ 

കിളി പറന്നുവോ?

ചെവിയിൽ ചെമ്പരത്തിയോ?

വളയവും കൊളുത്തുകളും തികയാതെയോ?

ചിന്ത്യമിനിയുമിനിയും…

നടക്കാനൊരു കാരണം

അലയാനൊരു വാരിധി

ഇതൊന്നുമില്ലെങ്കിലും

ചിന്തകൾക്കൊരു പഞ്ഞവുമില്ല.

എവിടെത്തിരിഞ്ഞൊന്നു നോക്കിയാലും

അവിടൊക്കെ പ്രശ്നങ്ങൾ സങ്കീർണ്ണം,

ചുമടിന്റെ ഭാരമുണ്ടോ കുറയുന്നൂ,

നടന്നിട്ടും തീരാത്ത ദൂരമിനിയും ബാക്കി!

വയ്യാവേലി വഴിയേ വന്നു കെറും

എന്നറിയാമായിരുന്നെങ്കിൽ

പാദരക്ഷകളെടുക്കേണ്ടതായിരുന്നൂ,

ഇനിയിതൊക്കെ ചവിട്ടാതെങ്ങനെ ?